Liderado pola Universidade de Burdeos, ten como obxectivo apoiar e fomentar as relacións universidade-empresa e difundir boas prácticas de traballo entre universidades de varios países do Magreb. Neste proxecto a Universidade de Vigo céntrase na promoción das relacións Universidade-empresa e na creación de consorcios nos que participen tanto as entidades empreariais como os centros de investigación universitaria.
Actor | Tipo | Aporte |
---|---|---|
Education, Audiovisual and Culture Executive Agency | Unión Europea | 936 000 € |
Total | 936 000 € |
Os obxectivos do proxecto concretáronse en:
1.- Potenciación da comunicación entre as universidades e a súa contorna socioeconómica, creando mecanismos para que os investigadores dean a coñecer as súas capacidades de I+D+i e as fagan accesibles ás empresas.
2.- Desenvolvemento de accións de I+D+i en colaboración, xeración de consorcios e redes temáticas. Realización de encontros universidade-empresa.
3.-Estruturación dunha comunidade de investigadores/as novos/as en relación coa contorna socioeconómica, para facilitar a adaptación ás súas necesidades científicas e tecnolóxicas e a orientación da formación universitaria de cara ao emprego.