Curso PCR. Introdución á cooperación e educación ao desenvolvemento
OBXECTIVOS:
- Coñecer conceptos clave e ferramentas para entender o ámbito do desenvolvemento e a cooperación, nun contexto globalizado como o actual, cunha visión crítica do modelo actual.
- Achegarse ás ferramentas para o deseño e execución de programas e proxectos de cooperación e educación para o desenvolvemento.
- Reflexionar e cuestionar as principais ferramentas e modelos de axuda o desenvolvemento.
- Coñecer boas prácticas para a construción e difusión de mensaxes positivas.
DESTINATARI@S:
O presente curso está dirixido principalmente ao alumnado da UDC participante dos Proxectos de Coñecemento da Realidade.
METODOLOXÍA:
O curso terá un enfoque teórico práctico, os contidos teóricos serán desenvolvidos con dinámicas que fomentarán a reflexión por parte do alumnado. Utilizaranse recursos audiovisuais e materiais didácticos que facilitarán a comprensión dos procesos de desenvolvemento e a aplicación práctica dos proxectos.
Sábado 23
10.00-11.30h. Introdución. Aproximación a conceptos clave de Cooperación Internacional para o Desenvolvemento.
11.30-12.30 h. Xénero e Cooperación ao desenvolvemento. Aparición do xénero na axenda do desenvolvemento.
12.30-13.00 h. Descanso
13.00-14.30 h. As ferramentas metodolóxicas (I) Os proxectos de cooperación ao desenvolvemento. Tipoloxía e principios básicos.
14.30-15.30 h. Xantar.
15.30-18.00 h. As ferramentas metodolóxicas (II). O ciclo de vida dos proxectos.
18.00-18.30 h. Descanso
18.30-21.00 h. As ferramentas metodolóxicas (III) Deseño e xestión de proxectos de cooperación ao desenvolvemento. Enfoque de Marco Lóxico.
Domingo 24
10.00-12.00 h. A educación para o desenvolvemento e a comunicación social (I). Introdución á ED: concepto, xeracións, ámbitos, dimensións, tipos de accións, principios, liñas transversais.
12.00-12.30 h. Descanso
12.30-14.30 h. Introdución á CCS: concepto, evolución, obxectivos, características, exemplos. Proxectos educomunicativos en Galicia e no exterior. Boas prácticas: código de imaxes e mensaxes das ONGD, análise comparativa de campañas. Como podemos nós poñer en prática a CCS? Medios, redes sociais, blogs, vídeos, entrevistas...
14.30-15.30 h. Descanso xantar
15.30-17.00 h. A educación para o desenvolvemento e a comunicación social (continuación)
17.00-17.15 h. Descanso
17.15-20.15 h. Seguridade e responsabilidade no terreo. Ofelia García. Consultora especialista en Acción Humanitaria
Rede Galega de Cooperación Universitaria ao Desenvolvemento
