O curso de formación básica de voluntariado desenvolverase en modalidade semipresencial no Campus de Lugo, deste xeito o alumnado contará coa posibilidade de realizar o curso ao seu propio ritmo durante o primeiro ou o segundo semestre. Os coñecementos adquiridos deberán poñerse en relación cunha experiencia de acción voluntaria para o cal será necesario realizar unha entrevista a unha persoa vinculada a un proxecto social.
O alumnado recibirá orientación a través das titorías sobre o traballo que debe realizar, así como calquera dúbida relacionada co desenvolvemento do curso. O curso conta con tres sesións de titoría presencial no Campus de Lugo, dúas de carácter individual e unha grupal. As titorías darán comezo unha vez superada a avaliación do primeiro módulo e se for necesario poderase ampliar o seu número.
O curso está recoñecido con 2 créditos ECTS para todas as titulacións. Quen solicite o itinerario de actividades de participación social durante o curso 2014/15 pode recoñecer ata 4 créditos ECTS.
Quen reciba a cualificación de apto/a recibirá o certificado de aproveitamento do curso. O certificado de créditos entregarase ao alumnado apto que así o solicite.
O prezo da matrícula é de 60 €. Unha vez realizada a matrícula non será posible a devolución das taxas excepto se é debido á suspensión do curso.
O prazo de inscrición no segundo semestre remata o 13 de maio de 2015.
Pinchando aquí podes ver toda a información e o proceso de matrícula.
O programa está formado por nove módulos orientados a dar un punto de partida a coñecer como se desenvolve un proxecto de voluntariado.