Rede Galega
de Cooperación Universitaria
ao Desenvolvemento

Este mércores 20 de Febreiro celebrarase na Facultade de Filosofía da Universidade de Santiago de Compostela unha charla coloquio da man de Aleida Quintana, antropóloga social e activista pola defensa de dereitos das persoas desaparecidas en Mexico. Neste encontro, organizado por Amnistía Internacional en coordinación co Dpto. de Filosofía e Antropoloxía Social da Fac. de Filosofía, a mexicana fará unha achega sobre a realidade social que estase a vivir no seu país de orixe, dende unha perspectiva de xénero. A loita pola igualdade de dereitos e xustiza social é unha constante na súa traxectoria profesional, na que podemos salientar a súa labor na creación de bases de datos de familias desaparecidas, de vítimas de trata de persoas, explotación sexual e traballos forzados.

Actualmente atópase en España acollida ao "Programa de Protección de Defensoras e Defensores en riesgo" de Amnistía Internacional, estancia que aproveita para crear estos espazos de encontro e visibilizar os distintos niveis de violencia e vulneración de dereitos aos que leva enfrentándose na súa loita.